صدقني ماضقت من فرقاك بالمره

اتعبت نفسي وجوالـي وانـا افـره
....عليك ياللي ماعـاد اتطيـق جوالـي


ادق واسأل عن احوالـك كـذا مـره
....من طيبتي كل مامريـت فـي بالـي


ماكنت احسبك عديم احساس بالمـره
....مستخسر انك ترد تسأل عن احوالـي


والله وطلع لك اسـم ياتابـع الجـره
....ماكنك اللي ربيت اسنين في ظلالـي


اصغر من انك تذل القلـب وتضـره
....كافي معك ضاعت اسنينه على الخالي


ان كان نفسـك عشـان ابيـك مغتـره
....والله لا اعلمك وشهي قيمـة امثالـي


ماتدري ان الحـرار قلوبهـا حـره
....ان عزمت تقلب الاول علـى التالـي


قل للسنيـن العـذر لاعـاد تتشـره
....في عز ماضقت ماحصلتـك قبالـي


خليتني والوجيـه البيـض مسمـره
....تضحك علي الليالي بوجـه عذالـي


لكن وعد لشتـري لـك ورد واثـره
....على فراقك واسـوي حفـل بلحالـي


واعزم هداياك اللـي داخـل الجـره
....اللي قبل يوم كانـت ذكـرة الغالـي


واحرق هذاك الزمن وافتك من شـره
....واعيش عمري بلا همـي وغربالـي


صدقني ماضقت من فرقـاك بالمـره
....بس ماذبحني سـوا حاجـه بجوالـي


تدري وش اللي ذبح قلبي من الحـره
....اني مخزنـك فـي جوالـي الغالـي